KPRA has launched a three-day registration campaign throughout the province

خیبر پختونخوا ہ ریونیو اتھارٹی کا صوبہ بھر میں تین روزہ رجسٹریشن مہم کا آغاذ

پشاور ۔ خیبر پختونخوا میں سروسز کی فراہمی سے وابستہ کاروباری افراد کی سہولت اور آسانی کیلئے خیبرپختونخوا ریونیو اتھارٹی کی جانب سے صوبہ بھر میں تین روزہ رجسٹریشن مہم کا آغاذ کیا جارہاہے ۔ ڈائریکٹر جنرل خیبرپختونخوا ہ ریونیو اتھارٹی شاہ محمود خان کی ہدایات پر صوبہ بھر میں تین روزہ رجسٹریشن مہم کا باقاعدہ آغاذ یکم اگست بروز منگل سے کیا جارہاہے۔

کاروباری افراد کی سہولت کے لیے جگہ جگہ موبائل رجسٹریشن سنٹرز قائم کئے جائیں گے جہاں پر خیبرپختونخوا ریونیو اتھارٹی کا عملہ موجود ہوگا اور سروسز کی فراہمی سے وابستہ کاروباری افراد اپنا کاروبار خیبرپختونخوا ریونیو اتھارٹی کے ساتھ موقع پر ہی رجسٹرڈ کراسکیں گے ۔ اس کے ساتھ ساتھ خیبر پختونخوا ریونیو اتھارٹی کے افسران پر مشتعمل ٹیمیں سروسز شعبہ سے وابسطہ کاروباری افراد اور اداروں کی دہلیز پر جا کر ان کو موقع پر خیبر پختونخوا ریونیو اتھارٹی کے ساتھ رجسٹریشن کی سہولت فراہم کریں گی۔

ڈائریکٹر جنرل خیبرپختونخوا ریونیو اتھارٹی شاہ محمود خان کے مطابق رجسٹریشن مہم کے اغاذ کا مقصد صوبہ بھر سروسز کی فراہمی سے وابستہ کاروباری افراد کیلئے رجسٹریشن کے عمل میں مزید آسانی پیدا کرنا ہے ۔ ہماری ٹیمیں موبائل رجیسٹریشن سینٹرز پر موجود ہونگی اور وہیں پر جاکر آپ اپنا کاروبار با آسانی رجسٹر کرا سکتے ہیں ۔ ہماری ٹیمیں آپ کی دہلیز پر آکر آپ کو خیبر پختونخوا ریونیو اتھارٹی کے ساتھ رجسٹریشن کی سہولت فراہم کرے گی۔

شاہ محمود خان کا کہنا تھا کہ ٹیکس ادا کرنا ہمارا قومی فریضہ ہے ۔ آپ کے ٹیکس سے نہ صرف آپ کا صوبہ مالی طور پرمستحکم ہوگا بلکہ آ پ کے پیسے آپ ہی کے علاقے کے ترقیاتی منصوبوں پر خرچ کیے جائیں گے جس سے آپ کے کاروبار میں مزید وسعت آئے گی اور صوبہ خوشحالی کی راہ پر گامزن ہوگا ۔