KPRA شانگلہ کے پبلک سیکٹر ودہولڈنگ ایجنٹس کے لیے تربیتی ورکشاپ کا انعقاد

خیبر پختونخوا ریونیو اتھارٹی کا ضلع شانگلہ کے ویدہولڈنگ ایجنٹس کے لئے تربیتی ورکشاپ کا انعقاد

شانگلہ: سروسز پر صوبائی سیلز ٹیکس اور سیلز ٹیکس ویدہولڈنگ ریگولیشنز 2020 سے متعلق آگاہی اور تربیت کے لئے خیبر پختونخوا ریونیو اتھارٹی کی جانب ضلع شانگلہ کے مختلف سرکاری محکمہ جات میں کام کرنے والے ویدہولڈنگ ایجنٹس کے لئے ایک روزہ تربیتی ورکشاپ کا انعقاد کیا گیا۔

 تربیتی ورکشاپ کا انعقاد امریکی ادارے برائے بین الاقوامی ترقی یو ایس ایڈ کے تعاون سے گرین ہیلٹن ہوٹل شانگلہ میں کیا گیا، جس میں خیبر پختونخوا ریونیو اتھارٹی (کیپرا) کے افسران کی جانب سے سیلز ٹیکس آن سروسز ویدہولڈنگ ریگولیشنز 2020 پر تفصیلی بریفنگ دی گئی، شرکاء کو سیلز ٹیکس کی ویدہولڈنگ کرانے اور اس کےماہانہ گوشوارے جمع کرانے کے طریقہ کارسے متعلق تربیت دی گئی۔

ڈائریکٹر جنرل کیپرا کیپٹن ریٹائرڈ شہباز طاہر ندیم نے اپنے تعارفی کلمات میں شرکا کا شکریہ ادا کیا۔ انہوں نے ویدہولڈنگ ایجنٹس کے کردار اور انکی اہمیت پر روشنی ڈالی۔ سیلز ٹیکس ایڈمنسٹریشن میں وید ہولڈنگ ایجنٹس کا اہم کردار ہے ٹیکس کی ویدہولڈنگ دنیا کے تقریباٗ 168 ممالک میں ریونیو حاصل کرنے کےذریعے کے طور پر استعمال کیا جاتا ہے۔ ہمیں آپکے بھرپور تعاون کی ضرورت ہے۔ اور کیپرا کا عملہ آپکو ہر ممکن سہولت و آسانی فراہم کرے گا۔ کیپرا کی ریونیو کلیکشن حکومت کے ترقیاتی اور عوام کی فلاح و بہبود کے لیے بہت اہمیت کی حامل ہے۔ اس وقت کیپرا خیبر پختونخوا کے زاتی محاصل کا ستر فیصد حصہ جمع کررہا ہے۔
کیپرا کے ایڈیشنل کلکٹر مردان و ملاکنڈ ڈویژن مسرت زمان نے اپنے خطاب میں شرکاءکی ورکشاپ میں تشریف آوری پر شکریہ ادا کیا۔ انہوں نے یو ایس ایڈ کے پروگرام اقدام برا ئے اضافہ محصولات، خیبر پختونخواہ کا بھی شکریہ ادا کیا جن کے تعاون سے ورکشاپ کا انعقاد ممکن ہوا۔ مسرت زمان نے شرکاء کو اپنی ٹیم کی جانب سے ہر ممکن تعاون کی یقین دہانی کرائی اور سیلز ٹیکس آن سروسز کے تاریخی پس منظرپر بھی روشنی ڈالی۔
کیپراکے ڈپٹی کلکٹر عبدالوہاب نے ورکشاپ کے شرکاء کو سیلز ٹیکس آن سروسز کے کا طریقہ کار اورماہانہ گوشوارے جمع کرانے کے متعلق تفصیلی معلومات فراہم کیں اور انہیں بتایا کہ صوبائی قوانین کے تحت سیلز ٹیکس آن سروسز کی ویدہولڈنگ ان کی قانونی ذمہ داری ہے اور کیپرا کا عملہ ہر ممکن کوشش کرے گا کہ ان کے لئے ہر ممکن آسانی پیدا کرے۔
نویدیوسفزئی، یوایس ایڈ پبلیک اوٹ ریچ سپشلیسٹ نے یقین دہانی کرائی کہ یوایس ایڈ کے تعاون سے ہم عوام اور وید ہولڈنگ ایجنٹس کو کیپرا کی بار میں مکمل اگاہی فراہم کرنے میں اپنا کردار ادا کرتے رہینگے۔ ہمارا ادارہ صوبے میں ٹیکس کلچر کو فروغ دینے کے لیے کیپرا کے ساتھ تعاون جاری کرے گا۔ اور اس طرح کے مزید ورکشاپس کا انعقاد گلیات، ڈیرہ اسماعیل خان اور دیگر اضلاع میں کیا جائے گا۔
اس موقع پر شرکاء نے ورکشاپ منعقد کرانے پر کیپرا اور یو ایس ایڈ کا شکریہ ادا کیا اور اس بات کی یقین دہانی کرائی کہ وہ کیپرا کے ساتھ مکمل تعاون جاری رکھیں گے اور ملک اور صوبہ کی ترقی میں اپنا کردار ادا کرتے رہیں گے۔